“சுற்றுச்சூழல் சார்ந்த விஷயங்களில் விதி மீறல்களில் ஈடுபட்டால் அதற்கு அபராதம் செலுத்தப்பட வேண்டும், என்பதே சட்டம்” என்று newslaundry தளத்தில் அதிகாரி ஒருவர், ஈஷா விஷயத்தில் தெரிவித்துள்ளார்.
அதன்பின் இது பற்றிய விரிவான தகவல்கள் எதுவும் வெளியானதாகத் தெரியவில்லை. கொடுக்கப்பட்ட விண்ணப்பத்தைத் திரும்பப் பெறுவதாக ஈஷா தரப்பில் ஒரு கோரிக்கை அனுப்பப்பட்டுள்ளது. அதற்கான விவரங்களும் தற்போது வெளியிடப்பட்டுள்ளது.
தற்போதைய சூழலில் ஈஷா யோக மையம் பற்றி பெரிய அளவில் பேசப்படுவதற்கு இரண்டு முக்கிய காரணங்களைக் கூறலாம். ஒன்று, “இந்து அறநிலையத்துறையிடம் இருக்கும் கோவில்களைப் பொதுமக்களிடம் ஒப்படைக்க வேண்டும்” என்று ஜக்கி வாசுதேவ் பேசியது. இரண்டாவது, அமைச்சர் தியாகராஜனின் கருத்து.
யானைகளுக்கு, பூலாம்பட்டி ஒரு வாழ்விடமாகவும், அட்ட பாடி மற்றொரு வாழிடமாகவும் இருக்கிறது. யானைகளின் வாழ்வில் இந்த வலசை பாதை மிக முக்கியமானது. அதேபோல் யானைகள் வாழிடத்தில் எந்த தொந்தரவும் இருக்கக் கூடாது என்பது அறிவியல் பூர்வமான உண்மை. தற்போது ஈஷா யோக மையம் இருக்கும் இடம் சரியாக ஒரு யானைகளின் வாழ்விடம்.
ஜீன்ஸ் அணிந்துகொண்டு பைக் ஓட்டுவது, சிற்பங்கள் செதுக்குவது, எழுதுவது என்று எல்லாத்துறையிலும் வல்லுநராகக் குறிப்பிடப்படும் ஜக்கிவாசுதேவ் விளம்பரத்திற்காக இவ்வாறு செய்கிறார் என்ற விமர்சனமும் இல்லாமல் இல்லை. ஈஷா யோக மையத்தில் 14 அடி உயரமுள்ள தியான லிங்கம் ஒன்று அமைந்துள்ளது இந்த தியான லிங்கத்தை ஜக்கி வாசுதேவும், பிரம்மச்சரியம் பூண்டவர்களாலும் உருவாக்கப்பட்டதாக ஜக்கி வாசுதேவ் குறிப்பிட்டு வருகிறார். இது குறித்து savukku பக்கத்தில் “ தியான லிங்கத்தின் மொத்த உருவாக்கமும் ஜக்கி வாசுதேவின் எண்ணத்தில் உதித்தவை. மொத்த வடிவத்தையும் சத்குரு உருவாக்கினார். பிரம்மச்சாரி பொறியாளர்களின் உதவியோடும், அப்பகுதி மக்களில் 300 வேலையாட்களின் துணையோடும் அந்தத் திட்டத்தை செயல்படுத்தினார் ஜக்கி, என்று கூறுகிறது ஈஷா.
உண்மையில், ஆரோவில் இணையதளத்தில் நீங்கள் இதைப் பார்க்க முடியும். இதில் யார் கூறுவது உண்மை என்று புரிந்துகொள்ள முடியவில்லை. அந்த தகவலை இத்துடன் இணைத்துள்ளேன்.
இந்த விடியோவை தவறவிடாதீர்கள்!!!
